Ramos özünü Avropa nəhənginə təklif etdi

"Real"ın əfsanəsi, İspaniya millisi ilə dünya və Avropa çempionu olan Serxio Ramos karyerasını "Milan"da davam etdirmək istəyir.

Publika.az xəbər verir ki, bu barədə İtaliya KİV-ləri məlumat yayıb.

39 yaşlı müdafiəçi xidmətlərini "rossoneri"yə təklif edib. Ramosun hazırda çıxış etdiyi Meksikanın "Monterrey" klubu ilə sözləşməsi 2025-ci ilin sonunda başa çatır. Bu səbəbdən o, azad agent statusu ilə "qırmızı-qaralar"la müqavilə bağlaya bilər.

Xatırladaq ki, hazırda "Milan"da Ramosun "Real"dakı keçmiş komanda yoldaşı, 40 yaşlı Luka Modriç çıxış edir.