Hurriyyet portalından əldə olunan məlumata əsasən, ain.az xəbər verir.
“Ölkədə çox ciddi siyasi islahahatların həyata keçirilməsinə ehtiyac var”.
Bu sözləri Hurriyyet.az-a ADP sədrinin müavini Taliyət Əliyev deyib.
“İndi vaxtaşırı verilən məlumatlardan belə görünür ki, guya, hakimiyyətin özü Azərbaycanda yeni bir siyasi sistemin formalaşmasında maraqlıdır. Əgər doğrudan bu istəklər səmimidirsə, Azərbaycanda növbədənkənar bir parlament seçkiləri keçirilməlidir”,-deyə siyasətçi əlavə edib.
T.Əliyev vurğulayıb ki, burada hər hansı bir xarici müdaxilənin olması istisna edilməlidir: “Azad və ədalətli seçkilər keçirilməlidir. Xalqın iradəsi ilə formalaşan bir parlament olmalıdır. Biz bilirik ki, Ramiz Mehdiyev hətta Prezident Administrasiyasınını rəhbəri vəzifəsindən çıxarılandan sonra, bir müddət Elmlər Akademiyasının prezidenti seçildi. Akademiyanın prezidenti olduğu müddətdə də onun parlament seçkilərinə birbaşa və yaxud dolayı şəkildə müdaxiləsi ilə bağlı ictimaiyyətdə məlumatlar var. Ən azı belə faktlar yayılıb ki, yenə də bu parlamentin formalaşmasında Ramiz Mehdiyevin çox ciddi təsirləri olub. Sözsüz ki, hamı da belə bir rəy var ki, olub. Ona görə də Azərbaycanda növbədənkənar bir parlamentin seçilməsi labüddür”.
CAVİD
Share
Tweet
Share
Share
Daha ətraflı məlumat və yeniliklər üçün ain.az saytını izləyin.
