Hökumət orqanları bildirib ki, Hindistanın şimalındakı Qoa əyalətində məşhur bir gecə klubunda baş verən yanğın nəticəsində ən azı 25 nəfər ölüb.
İlkin məlumatlara görə, qurbanların əksəriyyəti məşhur çimərliyin yaxınlığında yerləşən Birch by Romeo Lane gecə klubunun işçiləri olub. Ölənlər arasında turistlər də olub.
Polis hesab edir ki, şənbə günü yerli vaxtla gecə klubun mətbəxində qaz balonu partlayıb və yanğına səbəb olub.
Bazar günü səhər rəsmilər ölənlərin sayının 23-dən 25-ə çatdığını bildiriblər.
Yerli polis rəisi Alok Kumar BBC-yə bildirib ki, "yanğın birinci mərtəbədəki mətbəxin ətrafında cəmləşib".
O əlavə edib ki, cəsədlərin əksəriyyəti mətbəxin yaxınlığında tapılıb və bu, "qurbanların klub işçiləri olduğunu göstərir".
Qoa Baş naziri Pramod Savant jurnalistlərə bildirib ki, üç nəfər yanıqlardan ölüb, qalanları isə tüstüdən boğulub.
O bildirib ki, 3 yaxud 4 turist ölüb; onların yaşları və milliyyətləri hələ də məlum deyil. Xəstəxanada altı nəfərin vəziyyəti stabildir.
Rizvan CƏFƏROV,
“Azərbaycan”
