Prezident Rəcəb Tayyib Ərdoğan, Yüksək Səviyyəli Strateji Əməkdaşlıq Şurasının 7-ci iclası üçün İstanbula gələn Macarıstanın Baş naziri Viktor Orbanı Prezidentin Dolmabahçə Ofisində rəsmi mərasimlə qarşılayıb.
Turkustan.az xəbər verir ki, iki lider danışıqlardan sonra birgə mətbuat konfransı keçirib. Prezident Ərdoğan çıxışında bunları deyib:
“Cənab Orban ilə ötən ilin aprelində dördüncü Antalya Diplomatiya Forumunda, daha sonra Macarıstanın ev sahibliyi ilə Budapeştdə keçirilən Türk Dövlətləri Təşkilatının qeyri-rəsmi Zirvə toplantısında görüşdüm. Eyni zamanda, Prezident İlham Əliyevin təşəbbüsü ilə Dostluq Müqaviləsinin yüz illiyi münasibətilə elan etdiyimiz Mədəniyyət İlini bağlayıcı mərasimi də Orbanın ötən ilin dekabrındakı səfəri zamanı keçirilmişdi.”
Ərdoğan görüşlə bağlı əlavə edib:
“Bugünkü müzakirələrdə biz yalnız ikitərəfli əlaqələrimizi nəzərdən keçirmədik, həm də enerji, nəqliyyat, ticarət, müdafiə və mədəniyyət kimi sahələrdə əməkdaşlığımızı daha da inkişaf etdirmək öhdəliyimizi bir daha təsdiqlədik. Aviasiya və təhlükəsizlikdən tutmuş texnologiya, mədəniyyət və təhsilə qədər əlaqələrimizin müqavilə əsasını gücləndirəcək müxtəlif sənədlər imzaladıq. Xarici işlər və müdafiə nazirlərimiz, həmçinin kəşfiyyat və müdafiə sənayesi rəhbərləri ilə birlikdə yaradılması barədə əvvəlcə razılaşdırdığımız Birgə Məşvərət Mexanizminin ilk iclasını da keçirdilər.”
Aytən Yaşar/ Turkustan.az
