Sənəd ştatların ayrıca AI qaydaları tətbiq etməsinin qarşısını alır və vahid milli çərçivə formalaşdırır...
Poliqon xəbər verir ki, ABŞ prezidenti Donald Tramp ölkədə süni intellektin (AI) tənzimlənməsi üçün vahid milli sistemin yaradılmasını nəzərdə tutan fərman imzalayıb. Sənəd ştatların özünəməxsus tənzimləmə qaydaları tətbiq etməsini məhdudlaşdırır və bütün normativ prosesləri federal səviyyədə birləşdirməyə yönəlib.
Ağ Evdə keçirilən imzalanma mərasimində Tramp bildirib ki, fərmanın məqsədi süni intellektin inkişafı və tətbiqi üçün “vahid milli çərçivə”nin formalaşdırılmasıdır. Prezidentin sözlərinə görə, AI sahəsində parçalanmış və bir-birindən fərqli regional qaydalar innovasiyaları ləngidə və texnologiyanın geniş istifadəsinə mane ola bilər.
Ağ Evin aparat rəhbərinin katibi Uill Şarf sənədlə bağlı əlavə izahında deyib ki, bu fərman administrasiyanın bütün qurumlarını “süni intellektin ölkə üzrə eyni milli struktur daxilində fəaliyyət göstərməsini təmin etmək üçün qəti addımlar atmağa” məcbur edir. Şarf qeyd edib ki, əks halda ştat səviyyəsində müxtəlif tənzimləmələr “bütün sahəni iflic edə bilər”.
Yeni tənzimləmə çərçivəsinin AI təhlükəsizliyi, məsuliyyət mexanizmləri, innovasiyaların təşviqi, federal standartların harmonizasiyası və biznes üçün hüquqi aydınlıq kimi sahələri əhatə edəcəyi gözlənilir.
Poliqon.info
