London İmperial Kollecinin aparıcı tədqiqatçıları 12 dekabrda yayımladıqları hesabatda bildiriblər ki, gənclər arasında geniş yayılmış yuxu çatışmazlığı immun sisteminə uzunmüddətli zərər verə bilər.
Redaktor.az xəbər verir ki, tədqiqatda 18–35 yaş arası 600 nəfər iştirak edib və gündəlik yuxunun 6 saatdan az olduğu şəxslərdə immun hüceyrələrinin bioloji yaşının normadan 9–12% daha yüksək olduğu müəyyən edilib.
Ekspertlərin sözlərinə görə, bu dəyişikliklər orqanizmin viruslara və infeksiyalara qarşı mübarizə qabiliyyətini zəiflədir, həmçinin erkən xroniki xəstəliklərin riskini artırır.
Tədqiqat qrupu xəbərdarlıq edir ki, yuxu çatışmazlığı artıq təkcə yorğunluq problemi deyil, səhiyyə sistemlərinin diqqət yetirməli olduğu ciddi ictimai sağlamlıq çağırışına çevrilir.
Xədicə BAXIŞLI
