Rusiya XİN münasibətlərin bərpasına hazır olduğunu bildirib, Gürcüstan isə ərazi bütövlüyünü tələb edib.
İnterpress.az xəbər verir ki, bu barədə Rusiya KİV-ləri məlumat yayıb.
Rusiya Xarici İşlər Nazirliyinin nümayəndəsi Mixail Kaluqin bəyan edib ki, Moskva Gürcüstanla münasibətləri normallaşdırmağa ciddi yanaşır.
Onun sözlərinə görə, əsas şərt Tbilisinin anti-Rusiya oyunlarında “xırda pula” (alətə) çevrilməməsidir.
Diplomat Gürcüstanın xarici siyasətdə sağlam praqmatizm nümayiş etdirdiyini, xüsusilə Rusiyaya qarşı “ikinci cəbhə” açmaqdan imtina etdiyini təqdir edib.
O qeyd edib ki, diplomatik əlaqələrin olmamasına baxmayaraq, iqtisadi əlaqələr inkişaf edir.
Bu bəyanata cavab olaraq Gürcüstan parlamentinin spikeri bildirib ki, rəsmi Tbilisi də münasibətlərin normallaşmasına hazırdır, lakin bir şərtlə: Rusiya Gürcüstanın ərazi bütövlüyünü tanımalıdır.
Xuraman Etibarlı
İnterpress.az
