RU
Темы
Мир
16.12.2025 ◦ 14:59

Güclü külək Azadlıq Heykəlini AŞIRDI

Ajans.az xəbər verir ki,bazar ertəsi günortadan sonra Braziliyanın Quayba şəhərində baş verən güclü fırtına zamanı Azadlıq Heykəlinin təxminən 40 metr hündürlüyündə olan replikası aşıb. Hadisə Cənubi Braziliyada fırtına xəttinin irəlilədiyi vaxt qeydə alınıb. Məlumata görə, Havan pərakəndə satış şəbəkəsinə məxsus meqa mağazanın dayanacağında, fast-food restoranının yaxınlığında quraşdırılmış heykəl şiddətli küləyin təsiri ilə əvvəlcə əyilib, daha sonra yıxılaraq parçalanıb. Sosial şəbəkələrdə yayılan görüntülərdə heykəlin küləyin gücünə tab gətirməyərək aşdığı, zərbə nəticəsində isə baş hissəsinin dağıldığı görünür. Replikanın ümumi hündürlüyü təxminən 114 fut (təqribən 35 metr) olub və Braziliya üzrə Havan mağazalarının qarşısında yerləşdirilmiş oxşar abidələrdən biri hesab edilir. Şirkət nümayəndələrinin bildirdiyinə görə, ilkin məlumatlara əsasən, yalnız heykəlin yuxarı hissəsi — təxminən 24 metr (78 fut) hündürlüyündə olan bölmə zərər görüb. 11 metr (36 fut) hündürlüyündəki postament isə toxunulmaz qalıb. Hadisə ilə bağlı araşdırmalar davam etdirilir.

Избранный
131
Ajans.az

1Источники