Dekabrın 21-də Şimal bölgəsinin məktəblərində "Şahdağ" kursları tərəfindən keçirilən sınaq imtahanları valideynlər arasında narazılıq yaradıb. Valideynlər imtahanların vaxtında keçirilməməsi və tələblərə uyğun təşkil olunmamasından şikayət ediblər.
Bizim.Media-ya müraciət edən valideyn Aygül Rəhimova bildirib ki, Bəhruz Ağaverdiyev adına Qusar şəhəri 1 saylı orta məktəbdə keçirilən “Şahdağ” kurslarının imtahanı zamanı bir sıra problemlərlə qarşılaşıb. O, deyib ki, 1-ci sinif şagirdi olan oğlu Sadiri imtahana gətirib. Məqsəd övladının bilik səviyyəsini yoxlamaq olub, çünki 1-ci sinifdə qiymətləndirmə aparılmır və valideyn yalnız ana dili, riyaziyyat və ingilis dili fənləri üzrə sınaq istəyib.
Valideynin sözlərinə görə, imtahan planlaşdırıldığı vaxtdan gec başlayıb:
"Səhər saat 9:30-da məktəbdə olduq, imtahan saat 10-da başlamalıydı, amma 12-dən sonra başladı. Balaca uşaq neçə saat gözləməli oldu".
Aygül Rəhimli həmçinin əlavə edib ki, imtahan kitabçaları uşaqlara səhv paylanıb. Valideynlər hər uşaq üçün 8 manat ödəmişdilər, bəziləri isə 2-3 uşağı imtahana gətirib. Onun sözlərinə görə, xüsusilə aztəminatlı ailələr üçün bu, az məbləğ deyil.
Valideyn bildirib ki, şikayəti 1 saylı tam orta məktəbin 1”A” sinfində oxuyan 17 şagirdin valideyni adından səsləndirib.
Bizim.Media-nın əldə etdiyi məlumata görə, eyni problemlər Qusar şəhərində 6 saylı orta məktəb və bölgənin Quba, Xaçmaz, Şabran rayonlarındakı təhsil müəssisələrində də 1-8-ci siniflər üçün keçirilən sınaq imtahanlarında yaşanıb.
Quba-Xaçmaz Regional Təhsil İdarəsindən məsələnin araşdırılacağı bildirilib.
Aytəkin Alxaslı, Bizim.Media, Şimal bürosu
- Ночной Режим
- Домашняя страница
- Статистика
- Источники
- Рейтинг
- Погода
- Валюта
