Rusiya regional hakimiyyət orqanları xarici vətəndaşlar üçün əmək bazarının tənzimlənməsində yeni bir addım atır. Tümen vilayətinin qubernatoru Aleksandr Mur 2026-cı ildən etibarən “patentlə işləyən miqrantlar” üçün əlavə peşə məhdudiyyətlərinin tətbiqi barədə fərman imzalayıb.
Bildirilir ki, gələn il regionun təhsil müəssisələrinin kadr siyasətində kəskin dəyişikliklər olacaq. Yeni sənədə əsasən, miqrantların uşaqlar və yeniyetmələrlə əlaqəli müəssisələrdə işləməsi tamamilə qadağan olunacaq. Buraya uşaq bağçaları və məktəbəqədər təhsil müəssisələri, eləcə də bütün səviyyəli məktəblər daxildir.
Hakimiyyət orqanları bu qərarı gənc nəslin təhlükəsizliyi ilə bağlı narahatlıq və təhsil xidmətlərinin keyfiyyətini artırmaq istəyi ilə izah ediblər.
Təhsildən əlavə, siyahıya daha bir bənd əlavə olunacaq. Miqrantlara işə qəbul fəaliyyətləri ilə məşğul olmaq da qadağan ediləcək. Beləliklə, onlar insan resursları xidmətləri göstərə və ya işə qəbul agentliklərində işləyə bilməyəcəklər.//MilliTv.NET
