Bizim media saytından alınan məlumatlara görə, ain.az xəbər verir.
“2026-cı ildə ölkədə həm ərzaq, həm də qeyri-ərzaq məhsullarında qiymət artımları gözlənilir”.Bizim.Media-ya açıqlamasında iqtisadçı ekspert Akif Nəsirli deyib.O bildirib ki, idxaldan asılı kateqoriyalarda qiymət artımı daha çox ola bilər:“Rəsmi proqnozlarda illik inflyasiyanın təqribən 4.8–5.3% civarında olacağı gözlənilir. Bu artımın bir hissəsi qeyri-ərzaq məhsulları üzrə də hiss olunacaq.
Hesab edirəm ki, idxaldan asılı kateqoriyalarda qiymət artımı daha çox ola bilər, çünki dünya bazarında daşınma xərcləri və xammal qiymətləri oynaq ola bilər. Belə məhsullar sırasına geyim və tekstil, məişət texnikası və elektronika, eləcə də bəzi tikinti materialları daxildir.
Bu növlərdə həm istehsal, həm də logistika xərclərinin artması yerli qiymətlərə təzyiq göstərə bilər”.Onun sözlərinə görə, enerji daşıyıcıları və yanacaq xidmətləri də gələcəkdə tarif dəyişikliklərinə bağlı olaraq bahalaşa bilər ki, bu da qeyri-ərzaq xərclərinə təsir göstərəcək:“Qısa desək, 2026-cı ildə geyim, elektronika, məişət texnikası, bəzi tikinti materialları və enerji/yanacaq kimi qeyri-ərzaq kateqoriyalarında da qiymət artımı riski var. Bunlar isə ümumi inflyasiya və idxal xərclərindən asılı olaraq dəyişə bilər”.Naibə Məmmədova, Bizim.Media
Hadisənin gedişatını izləmək üçün ain.az saytında ən son yeniliklərə baxın.
