Azərbaycan Respublikası Atçılıq Federasiyasının (ARAF) təşkilatçılığı ilə Binə Atçılıq Mərkəzinin qapalı manejində Prezident İlham Əliyevin doğum gününə həsr olunmuş çövkən üzrə 12-ci Prezident Kuboku başa çatıb.
İdman.Biz xəbər verir ki, bu barədə Azərbaycan Respublikası Atçılıq Federasiyası (ARAF) məlumat yayıb.
Bildirilib ki, finalda “Elit” komandası “Polad”ı 3:2 hesabı ilə məğlub edib.
Üçüncü yer uğrunda görüşdə isə “Sərhədçi” “Embawood”dan üstün olub - 2:1.
Mükafatlandırma mərasimində ilk üç yeri tutmuş komandalar medal və diplomlarla təltif ediliblər. “Elit” komandasına həmçinin Prezident Kuboku təqdim olunub.
