Həmişə cavabsız suallar olur, lakin hazırda dəqiqləşdirmə tələb edənləri kifayət qədər aydınlaşdırmışıq.
Bunu Ermənistanın baş naziri Nikol Paşinyan dekabrın 25-də jurnalistlərlə söhbətində İranın TRIPP (“Tramp marşrutu”) ilə bağlı mənfi mövqeyi ilə bağlı sualı cavablandırarkən deyib.
O bildirib ki, TRIPP o qədər irimiqyaslı layihədir ki, hər bir suala aydınlıq gətiriləndən sonra həllini tələb edən yeni suallar ortaya çıxacaq.
Baş nazir əlavə edib ki, bu suallar həll olunandan sonra yenidən həllini tələb edən yeni suallar yaranacaq.
Paşinyan vurğulayıb ki, “Tramp marşrutu” işə düşəndə – dəmir yolu, magistral, qaz və neft kəmərləri, elektrik xətləri işə düşəndə – yenidən həll edilməli olan suallar yaranacaq və vəziyyətə bu cür yanaşmağa çağırıb.
“Problemimiz ondan ibarətdir ki, biz əvvəllər kiçik layihələrlə bir təbəqə ilə məşğul olurduq. Həmişə cavabsız suallar qoyan böyük layihələrə öyrəşməmişik. Bir həll olunmamış məsələni həll edəndə daha dördü ortaya çıxır və s.", - Baş nazir əlavə edib.
Telegram kanalımız
