Gürcüstanın Baş naziri İrakli Kobaxidze ölkə hakimiyyətinin siyasi kursunu dəyişdirmədən Avropa İttifaqı ilə münasibətləri yaxşılaşdırmaq üçün "hər cür mümkün yolu" sınamalı olduğunu bildirib.
Xalqcebhesi.az xəbər verir ki, onun sözlərini "News Georgia" sitat gətirir.
Kobaxidze vurğulayıb ki, Tiflis "ehtiyatla və strateji səbirlə" hərəkət edir və əsasən Brüsseldə dəyişikliklər gözləyir.
"Düşünürəm ki, gələn il, o cümlədən Avropa İttifaqı ilə bağlı dəyişikliklərlə dolu olacaq. Bu proseslərin necə inkişaf edəcəyini görəcəyik. Avropa bürokratiyasının suveren fəaliyyət üçün resursları çatışmadığını nəzərə alsaq, nikbinlik üçün əsaslar, ehtimal ki, o qədər də güclü deyil. Avropa İttifaqı ilə münasibətləri yaxşılaşdırmaq üçün bütün mümkün vasitələrdən istifadə etməliyik", - deyə Gürcüstanın Baş naziri bildirib.
Məryəm Quliyeva
