Dünən Azərbaycan AZAL aviaşirkətinə məxsus təyyarənin Qroznı yaxınlığında Rusiya HHM tərəfindən vurulmasının birinci ildönümünü qeyd etdi. Bu faciənin ildönümündə Moskvada da mövzuya münasibət bildirildi. Xüsusilə, Rusiya XİN-in rəsmi nümayəndəsi Mariya Zaxarova bəyan etdi ki, AZAL təyyarəsinin qəzaya uğraması bir neçə ölkə üçün “ümumi faciə” olub, hadisədən bir il keçib və Qroznıda qurbanların xatirəsinə abidə açılıb. Və bundan sonra kulminasiya baş verdi.
KONKRET.az xəbər verir ki, Zaxarova faciənin əsas səbəbi kimi “Kiyev rejimi”nin Rusiyanın mülki infrastrukturlarına pilotsuz aparatlarla hücumlarını göstərdi.
Təbii ki, istintaq yekunlaşacaq. Qazaxıstan Nəqliyyat Nazirliyi hadisənin ildönümündə aralıq hesabat yayımladı. Həmin hesabat bir çox sualı, o cümlədən təyyarəyə zərbə endirən “vurucu elementlərin” mənsubiyyətini açıq ortaya qoyur. Lakin əsas məqamı təsdiqləyir: qəzanın səbəbi xarici təsirdir. Başqa sözlə, təyyarə vurulub. Qroznı ətrafında isə Rusiya HHM-dən başqa heç bir hava hücumundan müdafiə sistemi yoxdur. Beləliklə, bu faktın özü əsl günahkarın kimliyini ortaya qoyur.
Müşviq Tofiqoğlu
KONKRET.az
