Vaşinqton, 27 dekabr, AZƏRTAC
Qvatemalanın qərbində Amerikaarası Magistral Yolda sərnişin avtobusunun dərəyə düşməsi nəticəsində ən azı 15 nəfər ölüb, 19 nəfər yaralanıb.
AZƏRTAC-ın məlumatına görə, ölənlər arasında üç qadın və bir azyaşlı var.
Yerli rəsmilərin sözlərinə görə, yüksək dağlıq ərazidə hərəkət edərkən təxminən 75 metr dərinlikdəki dərəyə düşən avtobusun hansı səbəbdən qəza etməsi məlum deyil.
Məlahət Nəcəfova
AZƏRTAC-ın xüsusi müxbiri
Vaşinqton
