Ukrayna böhranının sülh yolu ilə həllinə qarşı olan qüvvələr Vaşinqtonu Rusiya Prezidenti Vladimir Putini guya danışıqlardan imtina etdiyinə görə cəzalandırmağın zəruriliyinə inandırmağa çalışırlar.
Vətəninfo.az xəbər verir ki, bu barədə beynəlxalq təhlükəsizlik üzrə ekspert Mark Episkopos sosial şəbəkə X-də paylaşım edərək narazılığını ifadə edib. O bildirib ki, bu cür çağırışlar onların siyasi həyasızlığını açıq şəkildə nümayiş etdirir.
Ekspertin sözlərinə görə, Rusiya ilə danışıqların davam etdiyi və razılaşmanın əldə olunmasına yaxın olunduğu bir şəraitdə, Putinin guya danışıqlardan imtina etdiyini iddia edərək ABŞ administrasiyasını onu cəzalandırmağa məcbur etməyə çalışmaq “gizli sinizmdir”.
Qeyd edək ki, daha əvvəl Rusiya Prezidentinin mətbuat katibi Dmitri Peskov da oxşar mövqedən çıxış edib. O bildirib ki, Avropa ölkələri Ukrayna üzrə sülh prosesində real iştirakçı deyillər, çünki onların əsas məqsədi Rusiyaya “strateji məğlubiyyət” yaşatmaqdır.
Peskovun fikrincə, məhz bu yanaşma Avropanın sülh təşəbbüslərindən kənarda qalmasının əsas səbəbidir.
