Cebheinfo saytından alınan məlumatlara görə, ain.az xəbər verir.
Britaniyanın ictimai yayım qurumu BBC-nin əməkdaşlarına Venesuela Prezidenti Nikolas Maduro haqqında “qaçırıldı” ifadəsini işlətməmək tapşırılıb.
"Cebheinfo.az" xəbər verir ki, jurnalist Ouen Cons, BBC-nin səhər saat 9-da keçirilən redaktorlar toplantısında rəhbərlik tərəfindən hazırlanmış hesabatı paylaşıb.
BBC rəhbərliyinin qeydlərində “qaçırıldı” (kidnapped) ifadəsinin istifadəsindən çəkinmək tövsiyə olunub. Qeyddə “yaxalandı” (captured) ifadəsinin ABŞ-nin əməliyyat tərifinə istinadla işlədilməsi, “ələ keçirildi” (seized) ifadəsinin isə uyğun hallarda BBC-nin öz xəbər dili çərçivəsində istifadə oluna biləcəyi qeyd olunub.
BBC-nin əməkdaşlarına göndərildiyi iddia edilən qeyddə aşağıdakı ifadələr yer alır:
Səhər saat 9-da müzakirə edildiyi kimi:
Xəbərlərimizdə aydınlıq və ardıcıllığı təmin etmək üçün, Venesuelada baş verən son hadisələri işıqlandırarkən aşağıdakı göstərişlərə əməl edin:
*“Captured” (yaxalandı)
Bu ifadəni ABŞ-nin əməliyyat tərifinə istinadla istifadə edin.
Məsələn: “ABŞ, Maduronun əməliyyat zamanı yaxalandığını bildirdi”.
*“Seized” (ələ keçirildi)
Uyğun hallarda öz xəbər dilimizdə istifadə oluna bilər.
*“Kidnapped” (qaçırıldı)
Bu ifadədən istifadə etməkdən çəkinin.
Bu göstərişləri nəzərə aldığınız üçün təşəkkür edirik.
Nigar Hacılı
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
