“NAN” körpə qidası satışdan çıxarılır — Tərkibində toksin RİSKİ

Ermənistandan “NAN” markalı bəzi körpə qidası partiyaları geri çağırılıb.

Tribuna.az xəbər verir ki, “Nestle” şirkəti ürəkbulanma, qusma və mədə ağrısına səbəb ola biləcək cerevisiae toksini ilə çirklənmə riskinin aşkarlanması səbəbindən bəzi körpə qidası məhsullarını qlobal miqyasda geri çağırıb.
Şirkət bildirib ki, sözügedən qərar istehlakçıların sağlamlığının qorunması məqsədi daşıyır və ehtiyat tədbiri kimi həyata keçirilir. Geri çağırılma yalnız müəyyən partiyalara şamil olunur.
Hazırda aidiyyəti qurumlar və distribyutorlar vasitəsilə məhsulların bazardan yığılması prosesi davam edir.