ain.az, Avtosfer portalına istinadən məlumat yayır.
Paytaxtın Nərimanov rayonu, Əbdüləzəl Dəmirçizadə küçəsində dayanma-durma qaydalarını pozan sürücülər lentə alınıb.
Bu barədə izləyicilərdən biri Avtosfer.az-ın WhatsApp ünvanına video göndərərək məlumat verib.
Kadrlardan görünür ki, 77-PE-992 dövlət nömrə nişanlı “Hyundai” markalı, 77-VR-756 dövlət nömrə nişanlı “Changan” markalı, 77-UJ-047 dövlət nömrə nişanlı “Hyundai” markalı, 99-QY-936 dövlət nömrə nişanlı “Toyota” markalı avtomobillərin sürücüləri nəqliyyat vasitələrini ikinci zolaqda park ediblər. 77-BV-570 dövlət nömrə nişanlı “Opel” markalı və 77-PY-706 dövlət nömrə nişanlı “Nissan” markalı avtomobillərin sürücüləri isə maşınlarını səkiyə çıxararaq, “Dayanma-durma qadağandır” nişanının təsir dairəsində saxlayıblar.
Şikayətçi bildirir ki, sözügedən ərazidə demək olar ki, hər gün eyni vəziyyət müşahidə olunur. Onun sözlərinə görə, yaxınlıqda məktəbin yerləşməsi səbəbindən qayda pozanların böyük hissəsi övladlarını məktəbdən götürməyə gələn valideynlərdir. Bu isə küçədə süni sıxlıq yaradır, hərəkəti çətinləşdirir və piyadaların səki ilə təhlükəsiz keçidinə ciddi maneə törədir.
Nərmin
Oxunub 220
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
