Avtosfer saytından alınan məlumatlara görə, ain.az xəbər verir.
Ötən gün Füzuli rayonunda baş verən faciəvi hadisə cəmiyyətdə ciddi narahatlıq doğurub. Belə ki, 48 yaşlı kişi və onun 28 yaşlı qardaşıoğlu avtomobildə sobanı işlək vəziyyətdə saxladıqları üçün dəm qazından həyatlarını itiriblər. Hadisə bir daha göstərdi ki, avtomobildə istilik sistemindən düzgün istifadə olunmadıqda bu, ciddi və hətta ölümcül təhlükə yarada bilər.
Avtosfer.az xəbər verir ki, avtomobil ustası Sahil Ağabəylinin sözlərinə görə, bu tip hadisələrin qarşısını almaq üçün sürücülər avtomobildəki bəzi vacib funksiyalardan xəbərdar olmalı və onlardan düzgün istifadə etməlidirlər. Onlardan biri də resirkulyasiya düyməsidir. Resirkulyasiya düyməsi nə üçündür?
Avtomobil mütəxəssisi bildirir ki, resirkulyasiya düyməsi salonun havasını kənardan deyil, avtomobilin öz daxilindən dövriyyəyə buraxır. Bu zaman çöldən daxil olan çirkli hava, tüstü və normadan artıq dəm qazının salona girişi məhdudlaşdırılır. Qısa müddətdə salon daha tez isinir və çöldən gələn zərərli qazların təsiri azalır.
Sahil Ağabəyli onu da əlavə edib ki, avtomobil qapalı məkanda (qarajda, tuneldə) işlək vəziyyətdə saxlanıldıqda resirkulyasiya düyməsini aktiv vəziyyətdə saxlamaq təhlükəni qismən azaltmağa kömək edə bilər. Qeyd edək ki, dəm qazı rəngsiz, qoxusuz və hiss edilməyən qaz olduğuna görə sürücülər təhlükəni çox vaxt gec anlayırlar. Bu isə faciə ilə nəticələnə bilər.
Könül Rauf
Oxunub 52
Daha ətraflı məlumat və yeniliklər üçün ain.az saytını izləyin.
