Fransa prezidenti Emmanuel Makronun göz problemləri var, ona görə də müvəqqəti olaraq hətta qapalı məkanlarda belə günəş eynəyi taxır.
Azreform.info -ın məlumatına görə, bu barədə "Le Parisien" qəzeti məlumat verib.
Fransa prezidenti ictimaiyyət qarşısına qırmızı gözlərlə çıxıb. Yelisey Sarayı bunu Makronun qan damarının partladığı ilə izah edib. Prezident özü zarafatla bildirib ki, indi onun "pələng baxışları" var.
Sonrakı görüşdə o, mavi linzalı eynək taxıb və iştirakçılardan anlayış istəyib.
"Bu eynəklərə görə üzr istəyirəm, bu, kiçik bir problemə görədir. Bir müddət onları taxmalı olacağam, ona görə də bunu qəbul etməli olacaqsınız", - deyə dövlət başçısı 16 yanvarda Yelisey Sarayına gələrkən bildirib.
