Yer üzünü bürüyən geomaqnit qasırğası öz pik nöqtəsini keçib, amma yenə də güclənə bilər.
Moderator.az xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyasının mətbuat xidməti məlumat yayıb.
Alimlərin məlumatına görə, Yer ətrafındakı radiasiya qasırğası pik nöqtəsini keçib və XXI əsrin ən güclü qasırğası olub.
"Maqnit qasırğası artıq ikinci gündür davam edir və vəziyyət 2-3 gün ərzində hələ də sabit olmayacaq. Xüsusilə, 20 yanvar gecəsi demək olar ki, Rusiya və Avropa ərazilərində qütb parıltılarını müşahidə etmək mümkün olub. 21 yanvar gecəsi isə bu hadisənin təkrarlanması ehtimalı var. Görünür, qasırğanın ikinci pik nöqtəsi başlayır. Yaxın günlərdə geomaqnit göstəriciləri azı G4 səviyyəsinə qayıda bilər", - məlumatda qeyd olunur.
