İnternetdə “Apple” şirkətinin gələcək yubiley modeli olan “iPhone XX”in konsept görüntüləri yayılıb.
İnterpress.az xəbər verir ki, bu barədə xarici mətbuat məlumat yayıb. Sızdırılan məlumatlara görə, yeni cihaz inqilabi dizaynla gələcək.
Modelin əsas xüsusiyyətləri arasında görünməz kamera (ekranaltı kamera) və kənarlara doğru əyilmiş ekran yer alır. Bu yeniliklər telefonun tamamilə çərçivəsiz və hamar görünməsinə şərait yaradacaq.
Qeyd olunur ki, bu futuristik modelin istehsalı və təqdimatı 2027-ci ilə planlaşdırılır.
Xuraman Etibarlı
İnterpress.az
