Yer qabığının nəhəng bir hissəsi Türkiyənin altındakı mantiyaya batır və görünüşünü dəyişir.
QHT.az xəbər verir ki, Türkiyənin mərkəzində yerləşən Konya çökəkliyi səthin ümumi yüksəlməsinə baxmayaraq dərinləşir. Alimlər bunun səbəbini litosferik “damcı” adlı nadir geoloji proseslə izah ediblər. Bu proses zamanı Yer qabığının ağır alt hissələri qoparaq mantiyaya batır. Toronto Universitetinin araşdırmasına görə, sıx material aşağıya çöktükcə səthdə təzyiq dəyişir və torpaq çökür. Peyk məlumatları və seysmik tomoqrafiya Konya hövzəsinin altında anormal sıx qatların olduğunu göstərib.
Laboratoriya təcrübələri də bu mexanizmi təsdiqləyib. Alimlər bildirirlər ki, belə proseslər milyonlarla il ərzində Türkiyənin relyefini dəyişdirən böyük tektonik zənciri işə sala bilər.
R.İmanov
