Türkiyə Super Liqasında nümayiş etdirdiyi oyunla Avropa klublarının diqqətini cəlb edən "Fənərbaxça"nın müdafiəçisi Ceyden Ostervolde karyerasını İngiltərədə davam etdirə bilər.
Fanat.Az xəbər verir ki, İngiltərə Premyer Liqa təmsilçisi "Kristal Pelas" ötən ilin yayından bəri niderlandlı futbolçunu yaxından izləyir.
Türkiyəli jurnalist Reşat Can Özbudakın verdiyi məlumata görə, London klubu müdafiənin solunda və mərkəzində çıxış edə bilən 24 yaşlı oyunçu üçün rəsmi addımlar atmağa hazırlaşır. Hazırda "Transfermarkt" portalı tərəfindən bazar dəyəri 16 milyon avro olaraq qiymətləndirilən futbolçu üçün İstanbul təmsilçisinin tələbi daha yüksəkdir.
Belə ki, "Fənərbağça" rəhbərliyinin bu transfer üçün 20 milyon avrodan aşağı olmayan bir təklifi nəzərdən keçirəcəyi bildirilir. Osteruolde cari mövsümdə "sarı-lacivərdlilər"in heyətində göstərdiyi fiziki güc və sürət göstəriciləri ilə komandanın müdafiə stabilliyində mühüm rol oynayıb.
Kamil Xudiyev
