"Tottenhem" İngiltərə Premyer Liqasının digər təmsilçisi "Liverpul"un müdafiəçisi Endryu Robertsonun heyətinə qatmaq niyyətindədir.
Fanat.Az xəbər verir ki, informasiyanı "The Athletic" yayıb.
31 yaşlı şotlandiyalı futbolçunun "Liverpul"la müqaviləsinin müddəti 2026-cı ilin yayında başa çatacaq. Tərəflər arasında yeni sözləşmə imzalanmayacağı bildirilib.
London təmsilçisi bu yay müdafiəçini azad agent statusu ilə rənglərinə bağlamağı hədəfləyib. Hazırda tərəflər bu yöndə danışıq aparır.
Robertson 2017-ci ildən "Liverpul"un uğurları üçün çalışır.
Kamil Xudiyev
