“Qarabağ”ın baş məşqçisi Qurban Qurbanov ÇL-in əsas mərhələsinin 7-ci turunda “Ayntraxt”la (3:2) matçda qələbə qolunu vuran Bəhlul Mustafazadənin klubdan ayrılacağı ilə bağlı xəbərlərə münasibət bildirib.
Sportinfo.az xəbər verir ki, təcrübəli mütəxəssis adıçəkilən müdafiəçi ilə maraqlanan klubların olduğunu deyib:
“Maraqlananlar var. Amma hələ ki, konkret qərar verilməyib”.
Müdafiəçinin Çin klubundan təklif aldığı barədə xəbərlər var. Hətta futbolçunun özünün asiyalılarla anlaşdığı deyilir.
