Rusiyanın hücumları nəticəsində Ukraynada YUNESKO-nun (UNESCO) Ümumdünya İrsi Siyahısına daxil olan Kiyev-Peçersk Lavrası zədələnib.
"Report" xəbər verir ki, bu barədə Ukraynanın xarici işlər naziri Andrey Sibiqa "X" sosial şəbəkə səhifəsində yazıb.
Onun sözlərinə görə, dini abidə İkinci dünya müharibəsindən bəri ilk dəfədir zərər görüb.
"Baş verənlər Rusiyanın Ukraynanın mədəni və mənəvi abidələrinə qarşı təkrarlanan və sistematik hücumlarının, həmçinin ölkənin enerji infrastrukturuna və mülki əhalisinə qarşı davam edən zərbələrinin ümumi mənzərəsinə uyğundur", - siyasətçi bildirib.
O qeyd edib ki, Rusiya bu təcavüzə görə məsuliyyətə cəlb edilməlidir.
"YUNESKO-dan qətiyyətli reaksiya, o cümlədən açıq şəkildə pisləmə, vurulmuş ziyanın sənədləşdirilməsi və Ukraynanın mədəni irsinin müdafiəsi üzrə beynəlxalq tədbirlərin gücləndirilməsi gözləyirik", - Ukraynanın xarici işlər naziri əlavə edib.
On January 24th, Russian strikes damaged Kyiv-Pechersk Lavra, a @UNESCO World Heritage Site.
— Andrii Sybiha 🇺🇦 (@andrii_sybiha) January 26, 2026
This holy place is damaged for the first time since WWII.
This follows the pattern of Russia’s repeated and systematic attacks on Ukraine’s cultural and spiritual landmarks, as well as… pic.twitter.com/ZF6hDGRUt9
