Ukrayna polisi bu gün səhər saatlarında dövlət orqanları, bələdiyyə qurumları, təhsil müəssisələri, şirkətlər, banklar və əyləncə obyektlərində bomba qoyulması ilə bağlı kütləvi bildiriş almağa başlayıb.
APA xəbər verir ki, bu barədə “Unian” məlumat yayıb.
Günortaya olan məlumata görə, polisə Vinnytsiya, Volın, Dnepropetrovsk, Donetsk, Zakarpatsk, Zaporojye, İvano-Frankovsk, Kiyev, Kirovoqrad, Lvov, Nikolayev, Odessa, Poltava, Rovnoy, Sumı, Ternopol, Çerniqov və Kiyev şəhərlərində 2000-dən çox belə məlumat daxil olub.
Bildirilir ki, məlumatların təxminən 30%-i artıq işlənib, onlar təsdiqlənməyib.
Kütləvi yoxlamalar davam edir.
Polisdən qeyd edilib ki, “belə bildirişlər düşmənin mütəmadi növbəti informasiya hücumu olur, amma buna baxmayaraq, hər bir ünvan polis patrulları tərəfindən diqqətlə yoxlanılır”.
