Bakının Sabunçu rayonu ərazisində sakinlər su içində batırlar.
Far.Az-in "qaynar xətti"nə edilən şikayətə görə, 2 gündür ki, Zabrat qəsəbəsində içməlu su borusu dağılıb. Ətrafa su axır. Ərazidə kanalizasiya sistemi işləmədiyi üçün su yollara dolub və ətrafda hərəkəti iflic edib.
"118 A sayll avtobusun son dayanacağı, Şəhidlər məhləsi kimi tanınan ərazidir. Yollar su ilə dolduğundan maşınlar normal hərəkət edə bilmirlər. İnsanlar isə yolu keçə bilmir", - deyə şikayətçi bildirib.
Məsələ ilə bağlı İri Şəhərlərin Birləşmiş Su Təchizatı Xidmətilə əlaqə saxladıq.
Qurumdan Far.Az-ə bildirildi ki, məsələ ilə bağlı araşdırma aparılacaq və lazımı tədbir görüləcək.
