ain.az, Azertag portalına istinadən məlumatı açıqlayır.
Bakı, 23 fevral, AZƏRTAC
Polşa hökuməti 2022-ci ildə Qazaxıstan, Avstraliya və Kolumbiyadan 1,3 milyard zlotı (təxminən 370 milyon dollar) dəyərində kömürün alınması ilə bağlı mümkün maliyyə pozuntuları barədə prokurorluğu məlumatlandırıb.
AZƏRTAC xəbər verir ki, Polşanın daxili işlər naziri Marçin Kervinski Strateji Ehtiyatlar Agentliyinin ötən həftə mümkün cinayət faktı ilə bağlı prokurorluğa müraciət etmək qərarına gəldiyini deyib. Onun sözlərinə görə, kömür tədarükü ilə bağlı müvafiq qərar həmin vaxt Baş nazir vəzifəsini icra edən Mateuş Moravetski tərəfindən qəbul edilib. Nəticədə satın alınan 750 min ton kömürün 40 faizi ev təsərrüfatları üçün yararsız kömür tozundan ibarət olub.
Bundan əlavə, kömürün saxlanması üçün dövlət büdcəsindən əlavə 200 milyon zlotı (təxminən 57 milyon dollar) vəsait xərclənib.
Ən son xəbərləri və yenilikləri almaq üçün ain.az saytını izləyin.
