İnsan 25 yaşdan etibarən yaşlanmağa başlayır.
Redaktor.az xəbər verir ki, bu barədə Rusiya Federal Tibbi-Bioloji Agentliyi (FMBA)-nın birinci müavini Tatiana Yakovleva RIA Novosti-yə açıqlamasında bildirib.
Yakovleva Forum Gələcək Texnologiyalar sessiyası zamanı qeyd edib: “Doğrudur, yaşlanma başlayır, istəsək də, istəməsək də, 25 yaşdan.”
O, yaşlanmanın müxtəlif nəzəriyyələrinin mövcud olduğunu vurğulayıb. Bunlar arasında metabolizmin pozulması, sarkopeniya və “zombi hüceyrələrinin” yaranması yer alır.
Daha əvvəl aparılan tədqiqatlarda bildirilib ki, sağlamlığın pisləşməsi ilə bağlı güclü narahatlıq yaşayan qadınlar molekulyar səviyyədə daha sürətlə yaşlanırlar. Bu nəticəyə New York Universiteti Qlobal İctimai Sağlamlıq Məktəbi-nin Marian Rodriguez rəhbərliyindəki tədqiqat qrupu gəlib. Tədqiqatda 726 qadının məlumatları analiz olunub (MIDUS araşdırması).
Araşdırmaya görə, mümkün xəstəliklər və fiziki zəifləmə ilə bağlı daha çox stress keçirən qadınlar, mövcud xroniki xəstəliklərdən asılı olmayaraq, hüceyrələrinin daha yüksək yaşlanma sürətini göstəriblər. Eyni zamanda, görünüş və reproduktiv yaşla bağlı narahatlıqlar sürətlənmiş yaşlanma ilə statistik əhəmiyyətli əlaqə göstərməyib.
Nuriyyə NATİQQIZI
