Qazaxıstanın Akmola vilayətinin Şuçinsk şəhərindəki kafedə partlayış və yanğın baş verib. Nəticədə ölənlərin sayı 16 yaşlı qız da daxil olmaqla yeddi nəfərə çatıb. Bu barədə regional administrasiyanın mətbuat xidmətinə istinadən TASS məlumat verib.
Administrasiya rəsmisinin məlumatına görə, daha 13 nəfər xəstəxanadadır, onlardan altısı ambulator müalicəyə cəlb olunub.
Fevralın 26-da axşam yaşayış binasına bitişik olan “Plov Mərkəzi” kafesində qaz-hava partlayışı baş verib. Regional təcili yardım şöbəsi əvvəlcə altı nəfərin öldüyünü və təxminən 20 nəfərin yaralandığını bildirib, daha 10 nəfər isə hadisə yerinə gələn təcili yardım xidmətləri tərəfindən xilas edilib. Regional medianın hadisə yerindən yayımladığı görüntülərə görə, partlayış müştərilər kafenin içərisində olarkən baş verib.
P.ƏMİRCANOV
XQ
