Avropa İttifaqı (Aİ) Rusiyanı dəstəklədiklərinə görə müxtəlif xüsusi təyinatlı qüvvələrin komandirləri və zabitləri də daxil olmaqla 54 Belarusiya təhlükəsizlik məmuruna və yeddi böyük Belarusiya sənaye müəssisəsinə qarşı sanksiyalar tətbiq edib.
Yeniavaz.com xəbər verir ki, bu barədə Avropa İttifaqının Rəsmi Jurnalında dərc olunmuş Aİ Şurasının qətnaməsində bildirilir.
Qara siyahıya Baş nazir Aleksandr Turçin, Nümayəndələr Palatasının (aşağı palata) spikeri İqor Sergienko və xarici işlər naziri Maksim Rıjenkov daxildir.
Sanksiyalar onların Ukraynadakı hərəkətlərində Rusiyanı dəstəklədiklərinə və Belarusda insan hüquqlarının pozulmasına şərait yaratdıqlarına görə tətbiq edilib.
