“NBC News”un 2 mart tarixli məlumatına görə, Vaşinqton və Tehran 26 fevralda Cenevrədə nüvə sazişi danışıqları zamanı müharibənin qarşısını almaq üçün son şanslarına sahib olublar. Kanalın mənbələri bildirib ki, danışıqlar uğursuz olub.
Belə ki, ABŞ prezidenti Donald Trampın xüsusi elçisi Stiv Vitkoff və Trampın kürəkəni Cared Kuşnerin də daxil olduğu Amerika nümayəndə heyəti iranlılara ölkələrinin 10 il ərzində uran zənginləşdirməsinə icazə verilməyəcəyini bildirib. Medianın məlumatına görə, İran nümayəndələri bu tələbi rədd ediblər. Xarici işlər naziri Abbas Əraqçi iddia edib ki, İranın uran zənginləşdirmək üçün “ayrılmaz hüququ” var, Vitkoff isə ABŞ-ın Tehranı dayandırmaq üçün eyni “ayrılmaz hüququ”na malik olduğunu deyib
Medianın məlumatına görə, Əraqçi həmsöhbətinin üstünə qışqırıb. Trampın xüsusi elçisi isə deyib ki, “İstəsəniz, çıxıb gedə bilərəm”.
Daha sonra Amerika nümayəndə heyəti prezidentə baş verənləri bildirib və Tramp “həyəcanlanıb”.
//Samir Qurbanov, Editor.az
