Qafqazinfo portalından verilən məlumata əsasən, ain.az bildirir.
ABŞ Mərkəzi Komandanlıqlarının (CENTCOM) rəhbəri, admiral Bred Kuper İrana qarşı aparılan “Epik Qəzəb” əməliyyatının miqyasını açıqlayıb.
“Qafqazinfo” xəbər verir ki, admiralın sözlərinə görə, təxminən 2000 hədəf məhv edilib, sualtı qayıq da daxil olmaqla, 17 hərbi gəmi batırılıb.
“Əməliyyat 2003-cü il İraqın ilk bombardmanlarının intensivliyini təxminən ikiqat üstələyib.
Hazırda əməliyyata 50 mindən çox ABŞ əsgəri, 200 qırıcı təyyarə, iki təyyarədaşıyan zərbə qrupu və strateji bombardmançı təyyarələr cəlb olunub, əlavə qüvvələr hələ də əməliyyat meydançasına göndərilir”, - o qeyd edib.
Admiral bildirib ki, İranın hava hücumundan müdafiə sistemi yüzlərlə ballistik raket, buraxılış qurğusu və pilotsuz uçan aparatla birlikdə “ciddi şəkildə zəiflədilib”:
“Bu, ABŞ-nin Yaxın Şərqdə bir nəsil ərzində həyata keçirdiyi ən böyük hərbi yerləşdirmədir”.
B.Kuper Tehranı hədəf alan gecə əməliyyatlarına dair danışarkən bildirib ki, daha çox imkan yoldadır.
Sonrakı hadisələr barədə daha çox məlumat almaq üçün ain.az saytını izləyin.
