BAKI, 4 mart. TELEQRAF
ABŞ və İsrail İraq ərazisində fəaliyyət göstərən iranpərəst şiə silahlı dəstələrinin mövqelərinə birgə zərbə endirib.
Teleqraf xəbər verir ki, bu barədə İranın Tasnim agentliyi məlumat yayıb.
Məlumata görə, hücumların hədəfi “Əl-Həşd əş-Şəəbi” şiə könüllü dəstələrinin mövqeləri olub.
İlkin məlumata əsasən, zərbələr ölkənin cənubunda yerləşən obyektlərə, həmçinin Diyala və Mütənna əyalətlərində, eləcə də Ənbar əyalətinin Əl-Qaim şəhəri ətrafındakı mövqelərə endirilib.
