Demokrat.az saytından əldə olunan məlumata görə, ain.az məlumat yayır.
Elm adamları malyariya parazitinin "zəif nöqtəsini" tapıblar
Nottinqem Universitetinin tədqiqatçıları malyariya parazitinin çoxalması və ötürülməsi üçün həyati əhəmiyyət kəsb edən xüsusi bir zülal aşkar ediblər. Söhbət "Aurora-related kinase 1" (ARK1) molekulundan gedir ki, onsuz xəstəlik törədicisi öz həyat dövrünü tamamlaya bilmir. Tədqiqatın nəticələri nüfuzlu "Nature Communications" jurnalında dərc olunub.Mütəxəssislər malyariya plazmodisinin bölünmə xüsusiyyətlərini öyrənərkən maraqlı faktlar üzə çıxarıblar. İnsan hüceyrələrindən fərqli olaraq, bu mikroorqanizm qeyri-adi üsulla çoxalır. Məlum olub ki, ARK1 zülalı genetik materialın parazitin yeni hüceyrələri arasında paylanmasını təmin edən molekulyar mexanizmdə əsas rol oynayır.
Laboratoriya şəraitində aparılan sınaqlar zamanı alimlər ARK1 zülalını bloklayıblar. Nəticədə parazitlər normal bölünmə qabiliyyətini itirib, replikasiya prosesi pozulub və orqanizmin inkişafı tamamilə dayanıb. Beləliklə, həmin zülal olmadan plazmodi nə insan orqanizmində, nə də xəstəliyi daşıyan ağcaqanadlarda həyat dövrünü başa vura bilməyib.Tədqiqat müəllifləri vurğulayırlar ki, malyariya plazmodisindəki ARK1 zülalının strukturu insan hüceyrələrindəki analoji zülallardan əhəmiyyətli dərəcədə fərqlənir. Bu fərq insan hüceyrələrinə zərər vermədən birbaşa parazitə təsir edəcək yeni nəsil dərmanların hazırlanması üçün böyük imkanlar açır.İsmayıl
Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
