Fransa Prezidenti Emmanuel Makron İran lideri Məsud Pezeşkyanla telefon danışığı aparıb.
Publika.az xəbər verir ki, söhbət zamanı o, Tehrandan region ölkələrinə hücumları dərhal dayandırmasını tələb edib.
Makron sosial mediada yazıb: "İranın region ölkələrinə hücumlarını dərhal dayandırmasının vacibliyini vurğuladım".
O, həmçinin İrandan naviqasiya azadlığına zəmanət verməsini və faktiki olaraq bağlanmış Hörmüz boğazını açmasını tələb edib. O, həmçinin İranın nüvə və ballistik raket proqramları ilə bağlı dərin narahatlığını ifadə edərək, onları mövcud böhranın səbəbi kimi göstərib.
Makron bildirib ki, eskalasiyanın qarşısını almaq və sülhü qorumaq üçün diplomatik həll yoluna indi əvvəlkindən daha çox ehtiyac var.
