Bizimyol saytından verilən məlumata əsasən, ain.az məlumatı açıqlayır.
Fevral ayında Ukrayna Müdafiə Qüvvələri rus işğalçıların cəbhədə "FPV"dronlardan istifadəsini əhəmiyyətli dərəcədə azalda bilib.
Bizimyol.info xəbər verir ki, Ukrayna Silahlı Qüvvələrinin Baş Komandanı Aleksandr Sırski "Telegram"da bildirib ki, "DeepStrike" uzaqmənzilli vasitələrlə fevral ayında Rusiya ərazisində 85 hədəf zərərsizləşdirilib.
"Əvvəlki dövrlərlə müqayisədə ümumi təsirimiz – Rusiya neft emalı həcmində 24,8% azalma ilə nəticələnib", - deyə Sırski qeyd edib.
O, həmçinin Ukraynanın Udmutriya regionunda "İskəndər-M", "Oresnik" və digər raketlərin istehsal olunduğu Votkinsk zavoduna uğurlu raket zərbəsini xatırladıb. "Fevral ayında rusların "FPV" dronlardan istifadəsinin 18% azalması – düşmənin pilotsuz vasitə anbarlarının vurulmasının ehtimal olunan nəticəsidir", - deyə baş komandan əlavə edib.
General vurğulayıb ki, fevral ayında Ukrayna raket qoşunları 228 zərbə endirib, Hava Qüvvələri isə 104 əməliyyat həyata keçirib. Bundan əlavə, 293,8 min döyüş xüsusi tapşırığı Ukrayna PUA-ları tərəfindən yerinə yetirilib.
Verilən məlumata görə, Slavyansk istiqamətində rus işğalçılar Ukraynanın “Vampir” tipli dron-bombardirçilərinin analoqlarını aktiv şəkildə tətbiq etməyə başlayıblar.
3 fevralda Ukrayna Müdafiə Qüvvələri, müvəqqəti işğal olunmuş Zaporojye bölgəsində rus işğalçıların "FPV" dronlarının təlim mərkəzi və istehsal sahəsini məhv edib.
Bizimyol.info
Ən son xəbərləri və yenilikləri almaq üçün ain.az saytını izləyin.
