İranın ballistik raket mühərrikləri istehsalı üzrə ixtisaslaşmış ən mühüm müəssisələrindən birində baş verən irimiqyaslı dağıntılar peyk görüntüləri vasitəsilə ifşa olunub.
Musavat.com xəbər verir ki, İsrail mənbələrinin yaydığı məlumata görə, Sərhəd rayonu yaxınlığında yerləşən və raket mühərriklərinin hazırlanması habelə istehsalı ilə məşğul olan sənaye kompleksinin demək olar ki, bütün binaları tamamilə sıradan çıxarılıb.
Analitiklər hesab edirlər ki, bu strateji infrastrukturun darmadağın edilməsi son günlər İran tərəfindən həyata keçirilən raket buraxılışlarının sayının kəskin azalmasının əsas səbəblərindən biri ola bilər. Belə ki, mühərrik istehsalı zəncirinin qırılması Tehranın raket arsenalını bərpa etmək qabiliyyətinə ağır zərbə vurub. Görüntülərdə hədəflərin nöqtə dəqiqliyi ilə vurulduğu, bəzi sexlərin isə yerlə-yeksan edildiyi aydın görünür. İranın rəsmi hakimiyyət orqanları hələlik bu sarsıdıcı itki və yayılmış peyk sübutları ilə bağlı hər hansı şərh verməkdən yayınıblar. Bu obyektin sıradan çıxması "Epik Qəzəb" (Epic Fury) əməliyyatı çərçivəsində İranın hərbi-sənaye kompleksinə vurulmuş ən ciddi zərərlərdən biri kimi qiymətləndirilir.
Musavat.com
- Ночной Режим
- Домашняя страница
- Статистика
- Источники
- Рейтинг
- Погода
- Валюта
