“Atletiko” UEFA Çempionlar Liqasında “Barselona”nın rekordunu təkrarlayıb.
Msport.az xəbər verir ki, Dieqo Simeonenin baş məşqçisi olduğu kollektiv buna evdə “Tottenhem”ə qalib gəldiyi (5:2) 1/8 final mərhələsinin ilk oyununda nail olub.
Komanda tarixində ilk dəfə qitənin bir nömrəli klub turnirində matçın ilk hissəsində dörd qol vurub.
Üstəlik, madridlilər “Barselona”dan sonra bunu UEFA Çempionlar Liqasının pley-off qarşılaşmasında bacaran ikinci İspaniya klubudur. Kataloniyalılar 2009-cu ildə “Lion”la görüşdə buna nail olub.
