ain.az, Reyting.az saytına istinadən bildirir.
Rusiyanın İranla dron istehsalında əməkdaşlığı ciddi təhlükə yaradır və hətta dünyanın hazır olmadığı Üçüncü Dünya müharibəsinə səbəb ola bilər.
Reyting.az xəbər verir ki, belə bir xəbərdarlığı Ukrayna prezidenti Vladimir Zelenski edib.
Onun sözlərinə görə, tammiqyaslı müharibənin əvvəlində Rusiya İrandan Ukraynaya qarşı ötürülən silahlardan fəal şəkildə istifadə edib. İndi isə İran oxşar texnologiyadan Yaxın Şərqdəki münaqişələrdə və Amerika bazalarına hücumlarda yararlanır.
Qeyd olunur ki, Ukrayna kəşfiyyatı müharibədə istifadə edilən “Şahed” dronlarında Rusiya komponentlərini aşkar edib.
Ukrayna prezidenti bildirib ki, əgər İrandakı münaqişə payıza qədər bitməsə, qlobal nəticələrə səbəb olan uzunmüddətli müharibəyə çevrilə bilər:
“Bu, bu gün dünyanın üzləşdiyi ən böyük riskdir. Yaxın Şərqdəki müharibə dayandırılmasa, bu, uzunmüddətli müharibəyə və ya hətta dünya müharibəsinə səbəb ola bilər”.
Eyni zamanda, prezident dünyanın mümkün Üçüncü Dünya müharibəsinə hazır olmadığını və Rusiya-İran ittifaqının risklərini az qiymətləndirdiyini qeyd edib.
“Bu, Rusiya ilə olduğu kimidir, burada artıq 10.000 Şimali Koreya əsgəri Rusiya ərazisindədir. Onlar Ukraynaya gələ bilərlər. İranla da eyni şey - Rusiya qoşun göndərə bilər. Dünya belə bir ittifaqa hazırdırmı? Hazır deyil”, - deyə Zelenski bildirib.
Prezident əlavə edib ki, texniki cəhətdən Avropa, bir neçə ölkə istisna olmaqla, belə müharibəyə hazır deyil: “Almanlar çox sürətli olsalar da, bu cür çətinliklərə hazırlaşmaq üçün kifayət qədər vaxt yoxdur. Şimali Avropa texnoloji cəhətdən güclüdür. ABŞ-nın çox güclü ordusu var, amma biz başa düşməliyik: müasir müharibə yalnız quru qüvvələrini deyil, raketləri və dronları da əhatə edir”.
V. QULİYEV
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
