Rusiya və Azərbaycan prezidentləri iki ölkə arasında müxtəlif sahələrdə əməkdaşlığı daha da inkişaf etdirmək niyyətində olduqlarını təsdiqlədilər.
"Yeni Sabah" Kremlin mətbuat xidmətinə istinadla xəbər verir ki, telefon danışığında Rusiya və Azərbaycan prezidentləri Vladimir Putin və İlham Əliyev iki ölkə arasında müxtəlif sahələrdə əməkdaşlığı daha da inkişaf etdirmək öhdəliklərini təsdiqləyiblər.
Bəyanatda deyilir: "İkitərəfli gündəliyin bir neçə cari aspekti müzakirə olunub. Strateji tərəfdaşlıq və müttəfiqlik prinsipləri əsasında müxtəlif sahələrdə Rusiya-Azərbaycan əməkdaşlığını daha da inkişaf etdirmək üçün qarşılıqlı öhdəlik təsdiqlənib".
Putin ABŞ və İsrailin hücumuna məruz qalan İrandan rusiyalıların təxliyəsində göstərdiyi köməyə və "Rusiyadan İran xalqına Azərbaycan ərazisi vasitəsilə humanitar yardımın çatdırılmasını təmin etdiyinə" görə İlham Əliyevə minnətdarlığını bildirib.
Putin və İlham Əliyev Yaxın Şərqdəki vəziyyətlə bağlı fikir mübadiləsi aparıblar və oradakı hərbi əməliyyatlara tezliklə son qoyulmasını və mövcud kəskin münaqişənin siyasi və diplomatik vasitələrlə həll edilməsini istəyiblər.
Telegram kanalımız
