ABŞ və İsrailin İrana qarşı hərbi əməliyyatları nəticəsində Hörmüz boğazında yaranmış mürəkkəb vəziyyət nə Vaşinqtona, nə də Tehrana fayda gətirir.
AFN.az "Global Times" qəzetinə istinadən xəbər verir ki, bunu Şanxay Beynəlxalq Araşdırmalar Universitetinin Yaxın Şərq Araşdırmaları İnstitutunun professoru Lyu Çjunmin bildirib. Ekspertin fikrincə, davam edən gərginlik hər iki tərəf üçün iki tərəfi kəsərli qılınc rolunu oynayır: bu vəziyyət ABŞ-ın enerji təhlükəsizliyini və iqtisadiyyatını təhdid edir, İranın isə körfəz ölkələri ilə münasibətlərinə zərər vurur.
Professor diqqəti ABŞ və İran arasındakı münaqişənin böyük maddi xərclərlə bağlı olmasına çəkib. Lyu Çjunmin xatırladıb ki, Pekin həm Tehran, həm də ərəb ölkələri ilə dostluq münasibətləri saxlayır. Bu səbəbdən Çinin gərginliyin azaldılmasında və ziddiyyətlərin aradan qaldırılmasında "həlledici rol oynamaq" üçün əlverişli imkanı var.
