Depressiyanın beyin və qan hüceyrələrində enerji balansının pozulması ilə bağlı ola biləcəyi aşkarlanıb. Bu, xəstəliyin erkən diaqnozu və hədəflənmiş müalicə üçün ümidverici bir yanaşmadır.
QHT.az xarici mediaya istinadən bildirir ki, araşdırmada University of Queensland və University of Minnesota universitetlərinin tədqiqatçıları depressiya diaqnozu almış gənclərin beyin skanları və qan nümunələrini analiz ediblər. Nəticələr göstərib ki, depressiya zamanı hüceyrələr istirahət zamanı daha çox enerji istehsal edir, lakin stress zamanı enerjini artırmaqda çətinlik çəkir. Bu, yuxusuzluq, aşağı motivasiya və zəif düşüncə funksiyası ilə bağlı simptomları izah edə bilər.
Tədqiqatın nəticələri depressiya ilə bağlı anlayışları dəyişdirə və daha fərdi və effektiv müalicə üsullarının hazırlanmasına kömək edə bilər.
Fatimə Nəbiyeva
