Demokrat.az portalından əldə olunan məlumata əsasən, ain.az xəbər verir.
Bir çox insan mağazadan aldığı əti olduğu kimi, yəni altındakı köpük qab və üzərindəki nazik plyonka ilə birlikdə dondurucuya qoyur. Halbuki bu üsul ətin keyfiyyətinə zərər verə bilər.Demokrat.az xəbər verir ki, mağazalarda istifadə olunan bu qablaşdırma əti yalnız qısa müddət soyuducuda saxlamaq üçün nəzərdə tutulur. O, dondurucu üçün uyğun sayılmır.Nazik plyonka tam hava keçirmədiyi üçün ətin səthində “dondurucu yanığı” deyilən problem yarana bilər. Bu halda ətin səthi quruyur, dadı dəyişir və keyfiyyəti aşağı düşür. Köpük qab isə sıfırdan aşağı temperaturda kövrəkləşə və çatlaya bilər. Nəticədə ət xarici mühitlə təmasda qala bilər.Donmuş ət əridilərkən də problem yarana bilər. Qab zədələndikdə ətin içindəki maye sızır və bu da bakteriyaların yayılmasına səbəb ola bilər.Əti düzgün dondurmaq üçün əvvəlcə onu mağaza qablaşdırmasından çıxarmaq lazımdır. Daha sonra dondurucu üçün nəzərdə tutulmuş xüsusi paketə və ya vakuum torbasına qoymaq məsləhət görülür.Paketdəki havanı mümkün qədər çıxarmaq ətin qurumasının və buzlanmasının qarşısını alır.Əti bir dəfəyə bişiriləcək miqdarda dondurmaq da vacibdir. Çünki ərimiş ətin yenidən dondurulması düzgün hesab edilmir. Paketlərin üzərinə dondurulduğu tarixi yazmaq da faydalıdır.Ətin dondurucuda saxlanma müddəti də fərqlidir. Mal və ya quzu əti 4–12 ay, qiymə 3–4 ay, toyuq əti isə 9–12 ay saxlanıla bilər. Bişirməzdən əvvəl isə ətin rəngində dəyişiklik, sürüşkənlik və ya qəribə qoxu olub-olmadığını yoxlamaq lazımdır.Aytən
Demokrat.az
Daha ətraflı məlumat və yeniliklər üçün ain.az saytını izləyin.
