ain.az bildirir, Lent az portalına istinadən.
Arıqlamağa başlayan kimi bir çox insan şokoladı dərhal qadağan olunmuş qidalar siyahısına daxil edir. Lakin dietoloqlar bildirirlər ki, arıqlamağa mane olan məhsulun özü deyil, onun necə və nə vaxt yeyilməsidir.
Lent.az xarici mediaya istinadən xəbər verir ki, mütəxəssislərin fikrincə, məhz buna görə də tünd şokolad qidalanma üzrə ekspertlərin ən çox tövsiyə etdiyi şirniyyatlardan biri hesab olunur. O, südlü şokoladdan fərqli təsir göstərir və düzgün istifadə edildikdə artıq çəkiyə səbəb olmur.
Bunun əsas səbəbi tərkibidir. Keyfiyyətli tünd şokoladda kakao miqdarı yüksək, şəkər isə minimal olur. Kakao orqanizmdə daha tez doyma hissi yaradır. Bu səbəbdən kiçik bir parça belə şirniyyata olan istəyi azaltmağa kömək edə bilər.
Dietoloqlar bildirirlər ki, tünd şokolad stress səviyyəsini də azalda bilər. Halbuki stress artıq çəkiyə səbəb olan əsas amillərdən biri hesab olunur. İnsan əsəbi olduqda çox vaxt sürətli karbohidratlara üz tutur. Şokolad isə bu cür nəzarətsiz şirniyyat istəyinin qarşısını almağa kömək edə bilər. Lakin yalnız şokoladın növü deyil, onu qəbul etdiyiniz vaxt da vacibdir.
Mütəxəssislər şokoladı günün birinci yarısında yeməyi məsləhət görürlər. Bu vaxt orqanizm enerjini daha aktiv şəkildə sərf edir və qəbul olunan şəkər ehtiyat kimi yığılmağa imkan tapmır. Əgər şokolad axşam saatlarında yeyilərsə, nəticə əksinə ola bilər.
Axşam saatlarında maddələr mübadiləsi yavaşlayır və kalorilər daha tez yığıla bilər. Bəzi insanlar tünd şokoladı səhər yeməyinin bir hissəsi kimi qəbul edir. Bu üsul günorta yeməyinə qədər iştahanı nəzarətdə saxlamağa kömək edir.
Araşdırmalar göstərir ki, tünd şokolad qanda şəkərin səviyyəsini sabitləşdirməyə və şirniyyata olan istəyi azaltmağa kömək edə bilər. Mütəxəssislər seçim edərkən kakao miqdarı ən azı 70 faiz olan şokoladlara üstünlük verməyi tövsiyə edirlər. Daha aşağı kakao tərkibli şokoladlar artıq adi şirniyyatlara daha yaxın sayılır.
Dietoloqlar xəbərdarlıq edirlər: faydalı olsa belə, şokolad da ölçülü şəkildə qəbul edilməlidir. Gündə bir və ya iki kiçik kvadrat parça optimal hesab olunur. Bu qaydaya əməl edildikdə şokolad pəhrizin düşməni deyil, əksinə, köməkçisi ola bilər. O, arıqlama prosesini daha rahat keçirməyə kömək edir.
Ən xoş tərəfi isə odur ki, insan sevdiyi dadlardan tam imtina etmədən də sağlam şəkildə arıqlaya biləcəyini anlayır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
