Xəbər verdiyimiz kimi, İslam İnqilabı Keşikçiləri Korpusu (SEPAH) bazar günü İsrailin regional komandanlıq mərkəzlərini hədəf alan "Əsl Vəd 4" əməliyyatının 53-cü hücum dalğasına başlayıb.
“Cebheinfo.az” “Tasnim”-ə istinadən xəbər verir ki, bu son dalğa 4 martda Şri-Lanka sahillərində ABŞ Hərbi Dəniz Qüvvələrinin torpedası ilə vurulan İran Hərbi Dəniz Qüvvələrinə məxsus "Dena" esminesi qurbanlarının xatirəsinə ithaf olunub.
Bazar günü keçirilən əməliyyata 10 ədəd "Fəttah" və "Qədr" hipersəs raketləri, eləcə də esmines dronları ilə birgə hücum daxil idi. Bu raketlər İrana hücumlar zamanı kəşfiyyat və dəstək verən Əl-Dəfra hava bazasında yerləşən ABŞ qüvvələrini hədəfə alıb.
SEPAH, həmçinin regional komandanlıq mərkəzlərinə və İsrailin Daxili Cəbhə komandanlıq mərkəzinə də zərbələr endirib.
SEPAH bildirib ki, Amerika və İsrail hədəflərinə, mərkəzlərinə və maraqlarına qarşı bu davamlı və güclü hücumlar "təcavüzkarlar təslim olmağa və cəzalandırılmağa məcbur edilənə qədər" davam edəcək.
Xəzər
